يا والدي السموحة .. سامح الله من سعى على نشر الفتن بين عيالك ..
يا والدي السموحة .. صار التمرد و التصرفات الغوغائية من عيالك..
يجهلونك من هم ما يعرفونك .. راعي الطيب و الطيب أصلك ..
أخو جابر رحمة الله عليه .. ما رضينا يا والدي والله و لن نرضا..
خطاك السوء يا قائدي بعض عيالك خانوا العشرة و سعوا لتخريب أرضنا..
يا والدي لك الروح ترخص ولا تذرف الدمعة ..
ما لنا غيرك أبو بعد جابر ..
يا والدي أحسها كلمة كبيرة لا من قلتها لك يا والدي ..
كلمة حروفها من الغلى و المشاعر العزيزة ..
شعورٍ يصعب وصفه لما نقولها لك ..
والدي أحبك من حب جابر هذي أكيدة ..
لا تحزن يا أبوي و قائدي ..
ماأحدٍ من الخلايق مسموح لا من خان العشرة..
نوعدك يا أبوي نسعى لمصلحة الكويت أولاً..
و المصلحة الشخصية هي الأخيرة ..
يا أبوي أوعدك و الوعد مني ملزوم أوفيه ماني للفتن مسموع
ولا لفتن الطائفة و القبيلة خاضع ..
أنا كويتي وأفتخر .. و الكويت وطن قلبي ..
و الروح في يومها الموعود بتندفن تحت ترابها ..
لك كل القرار وأنت تآمر و أحنا من عيوننا ننفذ ..
أبوي راعي الحكمة و صمته هيبة ماأحدٍ من خلق الله يفهمها,,
دامك الله لنا بالصحة و العافية و ذخر للكويت و أهلها..
و عسى دوم البسمة مرسومة على وجهك ..
يا أبوي يا عزّي و عزوتي..
#تأليف الكاتبة الواعِدة: دلال الدريعي.
ليست هناك تعليقات:
إرسال تعليق